وينك يا سليمان فرنجية الصغير؟
وينكون يا طاشناق؟
وينكون كلكون.. ووين القوات يللي كنّا معن بأول سنين الحرب.. الجنرال عم يطالب للمسيحيي؟
من ضمن اتصالات المواطنين لقناة الـ"OTV"، قالت السيدة الهام من برمانا ضمن برنامج "يوم جديد":
بدّي قول شغلي، ما بعرف من وين بدّي بلّش،
بدّي قلن للبنانيي كلياتون، انو لبنان بلد صغير.
كلياتنا منقرب بعضنا، وكلياتنا منعرف بعضنا.
وكلياتنا منعرف تاريخ بعضنا.
يتذكّر كل واحد تاريخو، وين كان ووين صار؟
ما حدا يتخبّا؟
اذا المليار $ تبع السعودية بدّا تغيّر موقف قائد الجيش.. نحنا منحبّ الجيش.
ما في مرّة دعيت الحاجة ننزل او حسينا الجيش بوشي قلّا ما ننزل..
انا بدّي قلو لقائد الجيش وذكرّو من 3 سنين، نزلنا على الأشرفية تنوقف حدّو، مرقو سيارات (وبداخلها مخابرات) كبولنا صور ميشال سليمان مكتوب عليا "هذا هو القائد".
وكان وقتا قائد الجيش جان قهوجي.
هيدا يللي عم يصير عيب،
عيب عليون. كلون منعرف تواريخن. من صغيرن لكبيرن وين كانو.
ملياراتون وبيوتن وسياراتن.
انا نازلي على الشارع ورح لبّي دعوة العماد عون...
نحنا اول ناس كنّا واقفين حدّ القوات. كان بس يسألونا قوات وجيش نقلون هاي عين وهاي عين.
نحنا يللي عملنا لبنان. لبنان لالنا. لو منّا نحنا ما حدا حامل هوية. كانت هويتنا اليوم مع الفلسطينية. يللي اجو قالولو لقائد الجيش بوقتا ولرئيس الجمهورية يللي كان سليمان فرنجية، قالولن ما بتمسّ بالفلسطينيي، هودولي جيش المسلمين بلبنان.
انا كيف بدّي أمنّلون؟
اليوم صارو لبنانيي. وصارو يقولو لبنان أولاً.
وين كانو بس كان لبنان بحاجة لإلون.
مش عيب يللي عم يصير؟
وينك يا سليمان فرنجية الصغير؟
وينكون يا طاشناق؟
وينكون كلكون.. مش عيب عليكون ما توقفو حدّو للجنرال؟
عم يطالب لالو بس؟ انتو يا قوات وينكم؟ يللي ضحينا وبأول سنين الحرب كنّا معككم.