اسئلة من سيدة اجرت عمليتي اجهاض للأب مروان خوري: اطلقي عليهم اسماء

- كوني صوت صارخ... - هودي اشخاص الهن روح، ومش شقفة لحم كبيتيها...

في اتصال مع الأب مروان خوري اتصلت سيدة ضمن برنامج "ما اطيب الرب" على قناة "telelumiere- نورسات" لتكشف بجرأة اجرائها عمليتا إجهاض، مشيرة الى أنّ ثقتها بالرب يسوع كبيرة، بعد اعترافها للكاهن بذلك، ومؤكدة انها تثق بأن الرب يسوع قد سامحها وغفر لها خطاياها..

السيدة وجهّت للأب خوري سؤالاً يراودها عن اطفالها، فقالت: اصلي على الدوام لكي يسامحاني، وبصليلن يكونو ملايكي لإلي بالسما، وليغفرو لي خطيتي يللي عملتا بحقن.. بس اريد ان اعرف عندما التقي بهم بعد الموت، ماذا سيكون عليّ فعله دينياً..

يقول الأب مروان خوري: إنّهم أولادك.. ستلتقين بهم. المسامحة حصلت أثناء الإعتراف. نهار يللي اعترفتي من قلبن فرحو. بتعرفي ليه. لأنو اعترفتي انّو هودي اشخاص الهن روح، ومش شقفة لحم كبيتيها.

اعترفتي فيون كشخص، وعطيهم هوية. وسرّ سعادتن انو امن بتعتبرن أشخاص، وعندن هويتن. وأجمل من هيك إذا بتعطيون اسامي. وبتصيري باسماؤن تدعيين. ورح تشوفي كل مرة بتصليلن، قديش بيشفعو بأمون.

فيشي حلو صار، انتي ما نتبهتيلو. شفتي الشق السلبي انو اجهضناهم، وهيدا ع الأكيد ضرر كبير. لكن شي الحلو انو هودي اشخاص ما كانو موجودين، وبفضلك نوجدو.

و العدرا بتستقبل اولادا كلن. وبكرا بلقاء السما بتتعرفي عليون، هني شقفة من عيلتك. سبقوكي لفوق، والعيلة بترجع تتلاقى ببعض.
ودعا الأب خوري السيدة أن تكون "صوت صارخ حدّ امهات يمكن عندن ضعف، وبدن يعملو اجهاض، وتدافعي عن الأطفال، وهيدا بكون عمل الو أجر.