بطل من بلادي.. شامل روكز.. "ما في توزيع شامبانيا"!

بطل من بلادي.. شامل روكز: "ما في توزيع شامبانيا" بساحة الشهدا..!
يللي رصاص الحرب ما همّك/ معروف حب الوطن بدمك/ جبينك بيعلا فوق كلّ النجوم/ ونجمة صغيري ما رح تهمّك

من إتصالات المواطنين لإذاعة "صوت المدى" تقديراً للبطل "شامل روكز" من ضمن برنامج "صباح المدى"، اتصلّت إحدى سيدات بلدة تنورين ، مشيرة الى أنّها رفضت الدخول الى المدرسة قبل أن تنقل صوتها لأثير إذاعة "صوت المدى": اوّجه لإهالي بلدة تنورين نداء للنزول الى ساحة الشهدا، لأنّو انتو لازم تكونو كتير فخورين بانسان اسمو شامل روكز، وما بس اهل تنورين، كل واحد بقول "انا لبناني"، وكل واحد بكي بمعركة "عبرا" أو معركة "نهر البارد" أو "عرسال".. الله لا يوفقهون ما خلّو يكفيه..

أيه لازم ننزل نقول لشامل روكز.. شكراً، وشكراً، وشكراً، ويللي خلّف ما قعد بعد على جنب.
وباتصال آخر من السيدة "فريدة نجيم" قالت: بكل فخر أحيّي عماد الجيش غير المتوّج شامل روكز، لأنّو عماد على قلوبنا، حتّى لو ما صار قائد للجيش. وهوي القائد الأول لأنّو الناس ما بتنقاس بالمناصب.. ولا بالنجوم على كتافا. وبدّي قلّو إنتا ربيت شباب متلك بالجيش. وأكيد رح يطلعلو مغوار متلك يكمّل المسيرة، ولأنو مسيرة الجيش ما بتوقّف لا عند ضابط ولا عند إنسان، وانتا ربيت شباب يا "شامل روكز" وما رح يخلّو الجيش ينزل لتحت، رح يشدّو فيه لفوق، لأنّو هوي طوق النجاة الوحيد لإلنا كلنا.
ويعطيك الف عافية. رايح يكمّل دراستو بالدكتوراه،انتا كتير مثقّف زيادي انو يستاهلك هالبلد. بس نحنا بالتيار الوطني الحرّ كلنا منحبّك. وكلنا معك والنا الشرف تمشي قدامنا تنمشي وراك.

مالك البيطار
السيد مالك البيطار قال: نازلين عَ ساحة الشهدا نكرّم شامل روكز، ونشكر شامل روكز، ولنكرّم مغاوير الجيش اللبناني، والشهدا اللي سقطو مع شاكل روكز.. وبتلبقلو كلمة "قائد"..
ومنقول العماد عون ربّى اجيال، وشامل روكز ربّى أجيال. ونحنا مع الجيش اللبناني.
ريتا نجيم
من جهتها قالت السيدة ريتا نجيم: كنت كتير زعلانة عَ يللي صار، بس اكيد بدّو يطلع شباب من ورا شامل روكز يحملو المشعل... بس لازم لكم مسؤول يروحو للمستشفى لأنّو مش واعيين إنو بلدنا عم يفرط.. ما بعرف إذا ما عندون ولاد ما بدون ياهون يبقو بالبلد نحنا عنّا ولاد وحابينون يبقو بهالبلد.. يوعو بقاااا
نبيل عشقوتي
واعتبر السيد نبيل عشقوتي أنّ العميد شامل روكز، هو العميد الذي وصل الى رتبة عميد ولم يلزم غرفة العمليات وبقي يقاتل بين جنوده لآخر دقيقة..
العميد شامل روكز خرّج ابطال وفاء للابطال يللي ماتو.. الشهدا يللي استشهدو متل جورج صعب وبيار بشعلاني، لاسف فوتو بالنكد السياسي نكاية بالعماد ميشال عون،
تنسلّم جدلاً ما بحبو للجنرال عون، يوقفو وقفة ضمير قدام وطنن وقدام الأرزة وقدام العلم..
ع كلّ حال هوي فالل وراسو مرفوع، والشعب اللبناني رح يعملو قيمة.
كلود ضاهر
أمّا السيد كلود ضاهر، فحيا البطل شامل روكز، ما بعرف.. هيدا بطل وهيدا رجال، هيدا تاج على الجيش اللبناني.
أكيد بالجيش ي اشخاص متل روكز ابطال، ونحنا منقلو انو في مسؤولين ما بدون ابطال وناس نضاف
حسان العكرا
وبرأي الدكتور حسان العكرا: من 25 سنة طلعلنا قائد يللي هوي العماد ميشال عون، وعملو عليه 13 تشرين لأنو اسقط ورقة التين عن كل الإرهاب يللي محوطنا..
اليوم في عندك "نهر البارد" ونكشفت الفضايح، لأنّو الإرهابيي كانو مدعومين من الحريرية السياسية، وانتصر عليون روكز، ومعركة عبرا وفضايح الأسير كمان انتصر عليون شامل روكز.. فنضالنا ما رح يوقف
نورما
نورما من زحلة اتصلت باذاعة صوت المدى لتقول: رح ابكي لشدّة تأثري.. هنّي بجنرال ما كانو مخلصين.. صارو تنين. خللي يهيئو حالن. لو ما خايفين منّو ما ببيعدو.
خيّي كان معو مغوار، ونحنا اكتر من 25 سنة منحبو لروكز.. بس الله لا يوفقون يا سمر.. والله يحمييون تنيناتون، وبكرا يلقّوووو...
هلق بطّل عندو واجبات عسكرية، ولا مرتبط بشي.. صارو تنين الجنرال عون وهوي.. ونحنا...
غطاس موسى
ويقول السيد غطاس موسى: منحيّي القائد شامل روكز ومنقلو:
يللي رصاص الحرب ما همّك
معروف حب الوطن بدمك
جبينك بيعلا فوق كلّ النجوم
ونجمة صغيري ما رح تهمّك
والله يطّول عمرو
جان أبو صالح
السيد جان ابو صالح اعتبر أنّ بكاء المحبين لمغادرة القائد شامل روكز، هي دمعة حقيقية، واضاف: هودي الابطال بكرا، رح يبكّو كلّ هالسياسيين الموجودين، وهالحركات بمنطقة جونية لليللي ممدّد لإلو ومبسوط بحالو، يا ريت بيسمع كل دمعة إم وكل ختيار وشب شو عم يحكي.. ومشي بالحقيقة.
ايه كان عنّا جنرال صارو تنين.
علي حمود
السيد علي حمود، يشير الى أنّ اللبنانيين باتوا أمام جنرالين...
بيار
وعبّر بيار عن رأيه: لا اعرف لماذا هذا البلد عاطي ناس بتذرف دموع التماسيح.. قال مبارح طلعو يعزّو بوفاة رئيس الكتلة الشعبية الياس سكاف.. وهنّي سقطوه.. وهنّي يلي باعو دم الشهدا..
شو بدنا نحكي..
طوني عون
اتمنّى على العميد شامل روكز أن يفضح يللي بيعرفو.. ما بقا يسكت. لأنو السكوت اليوم ما بقا يسوا. حتى يللي مضلّلين يوعو...
منويل اسطفان
يقول السيد منويل اسطفان: للاسف من سنة 1991 كان قائد الجيش يجيبو الأجنبي، وبعد 2005
نحنا بدنا العميد روكز يوصل على القيادة.. ليحسّن من وع القيادة، حتى ما يصير معنا يللي صار مع لبنان.. لأنو قيادة الجيش ما بقا الها قيمة، لروكز عندو القدرة يقوي قيادة الجيش، وميشان هيك نحنا مش زعلانين.. ميشان هيك رح نشكرون لأنو نحنا بحاجة لهيك رجال بالشأن العام..
هذا وسألت الناس عّما إذا سيوزّع الشامبانيا في ساحة الشهداء مساءً للإشارة الى شرب "الشامبانيا" القائد جان قهوجي أثناء التمديد له للمرة الثانية..

وقد وجّه عباس نجدي من صريفا التحية الى القائد شامل روكز، وناهدة وريكاردو طلب من المستمعين تذكّر قصة قايين وهابيل..
- جو يقول: في ناس المراكز بياخدوا بالصدفة وفي ناس المراكز بتطلع لعندن، ومش بلصدفي العميد شامل روكز انو صاهر العماد ميشال عون.. لأنّو طينة هودي الناس اعلى من المراكز
- هذا واتصل العديد من بلدة تنورين لتأكيد لنزول الى ساحة الشهدا للتعبير عن وقفة وفا لهذا البطل التي انتجبته بلدة تنورين..
- يوسف سلامي من فاريا يقول: هيدا قدرنا مع الشرفا والأقوياء ولكن الشعب بتوحهون.
- كوليت: الله معك يا شامل، ويا مار الياس انتا بسيفك بتحارب الكفار.. وسيف مار الياس يحميك.
- مانويل: متل ما صار الجنرال أكبر من الرئاسة العميد شامل روكزاكبر من قائد للجيش باعمالوالبطولية ومنحييهون تنيانتون.