حلا حايك -
بالتسعينات، الله عطانا القوة، نحنا شعب لبنان العظيم، لنقاوم الظلم والإحتلال بكل عزيمة وتمسّك بالهدف الوطني: حرية وسيادة وإستقلال لبنان.
كنا شباب، تلاميذ جامعات وحتى مدارس نطبع مناشير ونوزّعا بالخفي وبما إنو مش عطول كانت تتوفّر معنا المصاري لطبع المناشير، صرنا كل سبت نتجمّع ونبيع خضرا وفواكة وهيك نموّل حالنا.. أوقات كتير كنا نلغي إشيا أساسية لحياتنا اليومية، كرمال نوفّر مصاري لمصلحة تحرّكاتنا ولو قد ما كانت بسيطة مساهمتنا، كانت تعمل فرق!
التحرّر من الظلم ببلّش من إرادتنا ومن الإتكال التام على ذاتنا مش من تمويل وتدريب خارجي! الحرية يلّي بتجي من برّا، كذبة كبيرة ومن أبشع أشكال العبودية...
موعدنا ١١ تشرين الأول بقصر بعبدا هوي استكمال لمسيرة الحرية والسيادة والإستقلال المنطلقين من إرادتنا الداخلية التامة، من إرادة الشعب اللبناني !